【寫客文】來去雲洞宮問事 | 台灣觀光指南
文/趙叔,文史工作者、社區工作者、客家音樂樂評人,竹東饒平底客家人,這下戴竹東
腔頭:海陸腔
頭屋雲洞宮,位在苗栗縣頭屋鄉鳴鳳村,係當地个信仰中心。天氣好个時節做得在廟坪頭前看著頭屋摎苗栗市區。雲洞宮係創建在清朝光緒31年(西元1905年),係附近民眾捐錢个方式來準備,這間廟係兩殿兩護龍个方式。一樓拜个神係恩主公(關聖帝君、孚佑帝君、司命真君)摎開台聖王鄭成功,二樓个凌霄寶殿係拜玉皇大帝。
朝晨頭七點,從竹東行台三線去苗栗頭屋,這條人講係內山公路个台三線,對北下南串過三灣、獅潭、大湖與卓蘭這四個鄉鎮。因為這片个路大條又好行,風景又靚,放尞日有當多重型機車來這位。今晡日因為梅雨个關係,落大水路項無麼个車仔,變到當靚。行到獅潭之後,在永興村轉入苗22永鳴道路,這條路西片係頭屋與東片係獅潭,這條路因為路當細條,行个人毋多。這條路攀上八角棟山脈个大缺,再過向前行幾百公尺斯到雲洞宮了。
雲洞宮个後背就係當有名个古道:鳴鳳古道个登山口,從這位向東爬山,做得行到獅潭鄉,頭擺係聯絡苗栗山線摎內山線之間个重要道路,毋過苗22公路開通之後,這古道斯留等這一細段定定。
雲洞宮係標準个鸞堂,鸞堂係一種用扶鸞方式个宗教組織,在台灣人个民間信仰當中,有一定个地位。台北行天宮、芎林代勸堂、竹東普照宮、美濃廣善堂,都係台灣客庄當有名个鸞堂廟。
扶鸞也有人講扶乩,係一種神明摎人溝通个方式。問事个過程,一般來講,愛參加問事个人,朝晨頭八點斯愛到現場,摎工作人員報名,領號碼牌,之後摎工作人員講愛問个事情,寫好舊曆生日摎住址就斯拿分鸞生。在恩主公降駕之後,鸞生會照等號碼牌,請輪到个人到頭前跪下,鸞生唸出問事人个生日、住址摎愛問个問題。之後正鸞會拿等像「ㄚ」字形个桃木筆在沙盤頂背寫字。另外一個鸞生看寫出來个字,唸出來分大自家聽,接待个鸞生續等說明。問事了後,會有另外个鸞生渡等,摎你講下一步愛仰般做?係愛求觀音福、求籤詩也係拿符轉去燒。
華語翻譯頭屋雲洞宮,位在苗栗縣頭屋鄉鳴鳳村,是當地的信仰中心。天氣好的時候可以在廟埕遠眺苗栗市區...
【寫客文】來去雲洞宮問事 | 台灣觀光指南
雲洞宮開臺聖王廟 | 台灣觀光指南
[苗栗縣.頭屋鄉]具傳奇性之古廟雲洞宮 | 台灣觀光指南
雲洞宮問事的推薦與評價,FACEBOOK、PTT | 台灣觀光指南
濟世與問事:苗栗雲洞宮當代扶鸞活動之研究 | 台灣觀光指南
雲洞宮問事 | 台灣觀光指南
雲洞宮苗栗景點玩全台灣旅遊網 | 台灣觀光指南
[宮廟] 竹苗客家庄傳統扶鸞問事介紹及推薦 | 台灣觀光指南
[宮廟] 新竹苗栗難以啟齒之事問事宮廟czzhf PTT批踢踢實業坊 | 台灣觀光指南
開臺聖王廟(雲洞宮)、地址 | 台灣觀光指南
【苗栗縣後龍鎮】慈雲宮 懶人包
建廟已有二百二十餘年歷史的後龍「慈雲宮」,是苗栗縣境內唯一保有歷史文獻最完整的一座道教廟宇,若以全台經政府登記的天上...
【苗栗縣頭屋鄉】濟世宮 懶人包
本宮肇建起於昔日「扒仔岡」境內原有一奉祀觀音菩薩之寺廟,名為「同善寺」。民國17年,地方善信黃阿海因練筆扶鸞訓乩之故,...